Athanasius Kircher to King Christian V of Denmark, from Rome, 6 June 1675

(Rigsarkiv, Copenhagen, T.K.U.A. Alm. del., Breve fra laerde maend, Litra K., Pk 57, 6/6 1675)

holograph, transcribed by Noel Malcolm

Serenis.^me et Potent.^me Rex

Audacior forsan uideri possem, si Regiam Maiestatem Vestram, Regni mole distentam importunis ignoti hominis literis praesumptuoséq[ue] interpellarem[.] Nouit Resp. Litera.^ria Orbiq[ue] iam notum est; quanto Virtutum splendore coruscet S. Maiest.^s Vestra; quanto affectu Sapientiae studium, quo Reges regnant, feruore amplexetur; quanta regni sui gloria, in Regio suo Athenaeo artium et scientiarum studia, per celebres et clar.^mos scriptores exemplo suo promouere non desistat. Hisce instimulatus et ueluti calcaribus agitatus; nec nom [sic] Regiae tuae sapientiae talentum admiratus uix me continere uolui, quin te mearum elucubrationum, cuiuscunq[ue] tandem conditionis fuerint, TE, participem facerem; non quod inde inaccesso gloriae Tuae plendori [sic] quidpiam accedere posse sperarem; sed ut humillimum duntaxat animi mei obsequium, quibuscunq[ue] tandem Symbolis Maest.^ti V^rae demonstrarem. [Prodidit?] non ita pridem nouus tenuis ingenij mei partus in lucem, cui titulus est ARCA NOE. Quam omni quo possum humilitatis et obseruantiae affectu ante Regios Maiest.^is V[estr]rae pedes uenerabundos depono; et certò mihi persuadeo M.^m V^m, eam pro benignitate et clementia qua pollet, incomparabili, non [in deleted] sinistro animo acceptaturam, uile quidem et cartaceum munusculum, at diuinis sacrae paginae oraculis confertis.^mum Quod si R. M^ti V^rae non ingratum fuisse comperero; utiq[ue] ad alia et alia iam praelo parata opera protrudenda, stimulos calcariaq[ue] addes. Vale Serenissime Rex in multos annos, Deo, Reip. Lit. Tibi

Regiae Maiestati Tuae

Seruus humill.^mus et deuot.^mus

Athanasius Kircher

Romae 6 Junij 1675.

[Enclosed: a fragment of the cover-sheet, also in Kircher’s hand:

Serenis.^mo et Potentissimo

DANIAE REGI

D[omi]no meo Clement^mo

with impress of seal: IHS surmounted by a cross, over three arrows]